"السيد الدمرداش "لم احصل علي فرصتي بسبب الحياة زمان

اليوم هنتكلم عن نجم بردو من #اهل قريتنا كابتن السيد الدمرداش اللي اتوصف في قريتنا انة صاحب المهام الصعبة  كابتن السيد الدمرداش من قرية البتانون منطقة المجمع  كان ممكن يكون واحد من نجوم العالم اللي بنسمع عنهم أو زي محمد صلاح، دا ياجماعة حقيقة والله لانة فعلا نجم بمعني الكلمة واللي متابعة أثناء الدورات يقدر يقول دا ،،  

اول حاجة من خلال مباراة داخل مركز شباب البتانون كان متواجد سمسار من نادي الاهلي عرض علي كابتن السيد أنة يروح معاه ناشيء الاهلي ولاكن الظروف والامكانيات وقتها مسعدتش لدرجة أن السمسار قال لكابتن سيد لو الاهلي مخدكش هوديك اي نادي في مصر انتا لعيب موهوب واي نادي في مصر يتمناك بس ظروف الحياة وقتها كانت الجري ورا لقمة العيش .

موش بس كدا سافر الاردن للعمل من أجل لقمة العيش وهناك شافة  أحد أصدقائه في العمل أثناء مبارة كرة قدم 

فطلب منة أنة يذهب معاه الي نادي الوحدات الاردني وهناك كانت المفاجأة والصدمة لمدرب الوحدات الاردني بعد ما شاهده في الاختبارات ، سعتها المدرب مكدبش خبر وقلة انتا هتكون اول مصري يحترف في الاردن ،ولاكن ظروف العمل بردو وقفت أمام نجم البتانون لان فترة التأهيل كان هيجلس فيها معاهم دون مقابل ،، وسعتها قال لا انا هصرف منين انا جاي اشتغل عشان اعيش زي اي شاب بيسافر ليحقق طموحة ، ولاكن كان القرار استمرارة في عملة،

بعد كدا كابتن سيد تعايش كلاعب بعد عودته الي بلدة اللي هي البتانون ليكون واحد من نجوم القرية مركز شباب البتانون ليستمر بالعب في دورات رمضان وغيرها وعاش كابتن سيد النجم الأول في البتانون لحد ما استعان بة كابتن موسي علام ثلاث شهور بمالية كفر الزيات وبعد كدا فريق  فريق كفر عشمة عن طريق اتصال تليفوني وقتها هو كان معروف في كل قري المحافظة ليلعب لفريق كفر عشما التابعة لمركز الشهداء وبالفعل لعب درجة ثلاثة وصعد بيهم لدرجة ثانية وختم رحلتة معاهم 

فرصة كانت ممكن تكون جيدة ولاكن الظروف والامكانيات مسعدتش.

انتظرونا في حوار اخر الليل ومفاجاءة قوية لنجمين من نجوم البتانون 

#اهل قريتنا 

انتظروني /السيد عبدالرحيم الزرقاني