كورنا"نصيحة الصحفي والإعلامي سالم احمد سلام

هل قدرنا نخرج من الموجة الأولي لفيروس كورونا المستجد بأقل خسائر؟

الإجابة ببساطة شديدة، ايوا قدرنا، مصر مرت بموجة متوسطة من الفيروس اللعين بشكل مُغاير تماماً لما حدث في كتير من الدول الأوروبية اللي البعض منها لسه بيسجل ٢٠ ألف حالة في اليوم بشكل يرعب، بشكل بسيط المنظومة الصحية عندنا فضلت ماسكه نفسها ولم تنهار أو تنفجر ونشوف سيناريو بني آدمين بيجروا في الشوارع مش لاقيين سرير أو ركن في مستشفي، وده اعتقد إنه ليه أسباب ممكن اكون شايفها صح وهي غلط، لكن مجرد اسباب محتملة للي حصل عندنا في مصر.. من ضمن الاسباب دي ويمكن أهمها إن شريحة كبيرة من المصريين أعمارهم ٢٥ سنة، سن الشباب، بعكس الدول الأوروبية اللي مقدرتش تواجه الفيروس هتلاقي النسبة الأكبر من المواطنين عندهم كبار في السن.. ده مش معناه إن الشباب مبيجيش ليهم كورونا، لكن نسبة الخطر بتقل كل ما كان المصاب شاب، كمان يمكن الإجراءات الاحترازية وإنه مفيش أفراح وتجمعات كان سبب بردو، مبقولش إن ده حصل بالشكل الكامل أو تطبيقه كان صارم مثلاً لكن مينفعش نتجاهل الدور ده.

هل اِحنا في خطر؟ 

للأسف محدش يقدر يتوقع اِحنا فين بالظبط، لكن اللي محتاج اقوله إن اِحنا بدأنا نشوف إصابات في المحيط اللي بنعيش فيه، وبدأت بوستات الإعلان عن الإصابات تنتشر من تاني على السوشيال ميديا، وده إنذار لإنه لازم نرجع للكمامات والتباعد من تاني ونحافظ على نفسنا. 

#احمي_نفسك 

#كورونا