حوار بيني وبين الشيطان وقت النوم
حوار بينى وبين الشيطان....الآن
عشان عاوز اقوم اصلى
نام ياجدع انت سيبك..نام واحلم بالهنا
انسى مش انا..دعيت وربى هدانى وخلى كل حاجه جوايه تسمع ابعد صوت ماذنه..كلامك كان زمان بيحجب اى صوت اذان يوصلنى بس خلاص عرفت انك الشيطان اللى كان منعنى اصلى
بقلك ياابن آدم الدنيا متسعناش احنا الاتنين..عشان انا من نار وانت من طين وهكسب فى الحالتين
رديت عليه طب انت فين ورينى نفسك واظهر..ضحك وقلى مهما حاولت انا اقوى ومش هتقدر
انا الشيطان اللى خليت الحرام جميل فى عينك..وخليتك لربك عاصى ومنافق وبتاذى غيرك..جى دلوقتى تتوب..خلاص معدشى ينفع..مهما حاولت تهرب من الموت..عزرائيل لكل نبضه منك بيسمع......
وفجاه الضلمه انتشرت والخوف عمال بيزيد..وسامع اصوات رجلين بتقرب وجايه من بعيد..وبنادى صحونى انا بحلم..رد عليا صوت تانى وقلى انت مش بتحلم انا ملك الموووت
رديت انا قلت..اعوذ بالله منك ومن شرورك..ابعد عنى..طب بس اسمعنى..
رد عليا وقلى مش هسمع مش هتخدعنى..متحولشى تمنعنى النهارده هتمووووت ولا حاجه هترجعنى ودا بامر ربى......
وبدات الروح تخرج منى وتتشل اركانى وفجاه عم السكوت تاه من اى صوت والشيطان واقف مبسوط..بيقلى للجحيم هتحصلنى...
وفجاه وقعت والروح منى خرجت
ادينى مت وخلاص مفارق الدنيا مين فيكو نفعنى دلوقتى
خلاص رايح اقابل ربى لوحدى....
يااااااه
شايف شريط حياتى بيعدى ادام عنيا..
شايف كل ذنب ارتكبته ومش شايف حاجه تانيه..
شايف مكانى فى جهنم ما انا مش هبقى فى غيرها..
وشايف الجنه ونعيمها اللى انا اتحرمت منها..
عينى تاهت من كتر اما شافت من مشاهد وسمعت خبر موتى بيتزاع فى كل المساجد..
وشفت الناس بتجرى ومحدش صدق ان انا فارقت الحياااااه
وخلاص للدنيا التانيه هبدا
جت الناس تشلنى..عرتنى عشان هتغسلنى..وتكفنى.. عالجامع وسط نحيب ودموع ودعا بصوت عالى مسموع خدونى يصلو عليا..وبدات الجنازه تمشى......
وعند القبر ناس بتحفر فى التراب وناس ليهم بتنزلنى....
تحت الارض ضلمه وخوف وعذاب على فين رايحين وهنا سايبينى..لاه..لاااااه..خدونى معاكو مش عاوز افصل هنا لوحدى.......
ياااااارب مش عايز اموووووت..ادينى ياااارب فرصه تانيه ورجعنى لدنيتى..اعمل حاجه واحده تفدنى فى اخرتى........ودى نهاية الحكايه
#اللهم_حسن_الختام
تعليقات
إرسال تعليق